បន្ទាយមានជ័យ៖ ពលរដ្ឋរងគ្រោះដោយសារខ្យល់កន្ត្រាក់ ១០៧គ្រួសារ នៅមជ្ឈមណ្ឌលអតីតយុទ្ធជនដី២២២ នៅភូមិតេជោសន្តិភាព តំបន់ការ៉េ២ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ ទទួលបានអំណោយពីនាយករដ្ឋមន្ត្រី សម្តេចតេជោ ហ៊ុន សែន និងប្រធានកាកបាទក្រហមកម្ពុជាសម្តេចកិត្តិព្រឹទ្ធិបណ្ឌិត ប៊ុន រ៉ានី ហ៊ុនសែន។

អំណោយទាំងនេះត្រូវបានដឹកយកទៅចែកជូនពលរដ្ឋរងគ្រោះដោយអភិបាលខេត្តបន្ទាយមានជ័យ លោក អ៊ុ រាត្រី និងក្រុមការងារនៅថ្ងៃទី២៩ ខែមីនា ឆ្នាំ២០២២នេះ។

អំណោយត្រូវចែកជូនពលរដ្ឋថ្ងៃរងគ្រោះទាំង ១០៧គ្រួសាររួមមាន ក្នុងមួយគ្រួសារទទួលបានអង្ករ ១ការ៉ុង ស្មើ២៥គីឡូក្រាម មី ១កេស ត្រីខ ១យួរ ទឹកត្រី ៣ដប ជែលលាងដៃពីរដប ឃីត ១កញ្ចប់ (មានមុង ១ ភួយ ១ ក្រម៉ា ១ អាវយឺត ២) រួមនឹងថវិកាមួយចំនួន។

ថ្លែងក្នុងពេលចែកអំណោយនោះលោក អ៊ុ រាត្រី ក៏បានថ្លែងនូវការចូលរួមសោកស្តាយចំពោះបាតុភូតធម្មជាតិ ដែលបង្កគ្រោះថ្នាក់ ក៏ដូចជាបំផ្លិចបំផ្លាញទ្រព្យសម្បត្តិពលរដ្ឋ។ លោកក៏បានណែនាំដល់ពលរដ្ឋត្រូវមានការប្រុងប្រយ័ត្នចំពោះបាតុភូតធម្មជាតិ ពិសេសខ្យល់កន្ត្រាក់ផងដែរ។

លោកថា៖ «បើក្នុងករណីអាកាសមានការប្រែប្រួល រកកលចង់ភ្លៀង សូមបងប្អូនពលរដ្ឋទៅរកកន្លែងមានសុវត្ថិភាព ចៀសវាងជ្រកក្រោមដើមឈើ ឬខ្សែភ្លើងជាដាច់ខាត»៕